Մոսկվան շահագրգռված է Եվրասիական մեծ գործընկերության ձեւավորման հարցում. ՌԴ ԱԳՆ

Ռուսաստանը ձգտում է Եվրասիան դարձնել կայունության և զարգացման միասնական տարածք, այդ նպատակին հասնելուն կնպաստեր Եվրասիական Մեծ գործընկերության ձևավորումը։ Այս մասին ՏԱՍՍ-ին տված հարցազրույցում ասել է ՌԴ ԱԳՆ ԱՊՀ առաջին դեպարտամենտի տնօրեն Միխայիլ Եվդոկիմովը։

«Ռուսաստանը հետաքրքրված է մայրցամաքի ապագայով՝ որպես խաղաղության, կայունության, զարգացման և բարգավաճման միասնական տարածք։ Այդ հավակնոտ նպատակին հասնելը ենթադրում է լայն ընդհանրական ինտեգրացիոն կոնտուրի՝ Եվրասիական Մեծ գործընկերության ստեղծում՝ բոլոր պետությունների, տարածաշրջանային կազմակերպությունների և Եվրասիայի միավորումների պոտենցիալների ավելացման միջոցով», - ասել է նա։

Նրա խոսքով՝ գործընկերության ստեղծման ինստիտուցիոնալ հիմքը կոչված է առաջին հերթին դառնալ Եվրասիական տնտեսական միությունը (ԵԱՏՄ), ՇՀԿ-ն եւ ԱՀԱՊԱ-ն՝ դրանում մայրցամաքում բոլոր շահագրգիռ պետությունների եւ բազմակողմ միավորումների մասնակցության համար բաց լինելու դեպքում: