Ուկրաինան մտադիր է մինչև 2 մլն մարդ ներգրավել տարածքային անվտանգության ապահովման գործում
Ուկրաինայի նախագահ Վլադիմիր Զելենսկին հանձնարարել է տարածքային պաշտպանության ուժերը հասցնել երկու միլիոն մարդու։ Այս մասին Ազգային անվտանգության և պաշտպանության խորհրդի նիստից հետո կայացած ճեպազրույցում հայտարարել է Ուկրաինայի անվտանգության խորհրդի քարտուղար Ալեքսեյ Դանիլովը։
Վլադիմիր Զելենսկին ուրբաթ Խարկովում անցկացրել է Ազգային անվտանգության և պաշտպանության խորհրդի փակ նիստ։ Հանդիպմանը քննարկվել են նաև ռուս-բելառուսական համատեղ զորավարժությունները, որոնք այս պահին ընթանում են Բելառուսի տարածքում, և Ուկրաինայի գործընկեր երկրների ռազմական օգնության հարցերը։ Դանիլովը նշել է, որ վերջերս Ուկրաինա է ժամանել ռազմական օգնություն տեղափոխող 25 ինքնաթիռ։
Միաժամանակ Մոսկվայում բանակցություններ են տեղի ունեցել Մեծ Բրիտանիայի եւ Ռուսաստանի պաշտպանության նախարարների միջեւ։
