Զախարովան հայտնել է, թե ինչով են տարբերվում ՆԱՏՕ-ն և ՀԱՊԿ-ն
ՌԴ ԱԳՆ պաշտոնական ներկայացուցիչ Մարիա Զախարովան հարցազրույց է տվել RT-ին, որի ժամանակ անդրադարձել է ՆԱՏՕ-ի և ՀԱՊԿ-ի տարբերությանը։
Զախարովան մասնավորապես նշել է, որ ՆԱՏՕ-ն ռազմական կազմակերպություն է, որը հիմնված է «ռազմական ռազմավարության» վրա։
«Հավաքական անվտանգության պայմանագիրը ենթադրում է հավաքական պաշտպանություն։ ՆԱՏՕ-ի համար սահմաններ չկան, նրանք չեն գծել իրենց ազդեցության գոտին բացառապես սեփական սահմաններով»,- ասել է Զախարովան։
Իր խոսքով՝ ՀԱՊԿ-ում ոչ մեկի մտքով չի անցել որևէ գործողություն իրականացնել պայմանագրի անդամ երկրներից դուրս, իսկ ՆԱՏՕ-ում, ըստ նրա, չկան հավաքական մտքեր, այլ միայն մեկ պետության գերակայություն։
