Պուտինը Պորոշենկոյին քաղաքական ապաստան է առաջարկել Ռուսաստանում
Ռուսաստանի նախագահ Վլադիմիր Պուտինն առաջարկել է քաղաքական ապաստան տալ Ուկրաինայի նախկին նախագահ Պյոտր Պորոշենկոյին, Գրում է kommersant.ru-ն։
«Ժամանակին, երբ պարոն Պորոշենկոն դեռ Ուկրաինայի նախագահն էր, ես նրան ասացի, որ եթե ապագայում որևէ դժվարություն ունենա, Ռուսաստանը պատրաստ է նրան քաղաքական ապաստան տրամադրել։ Հետո նա շատ հեգնեց այդ թեմայի շուրջ: Բայց այսօր ես ցանկանում եմ հաստատել իմ առաջարկները՝ չնայած մեր լուրջ տարաձայնություններին այս հարցում՝ Դոնբասի կարգավորման հարցում»,- ասել է Պուտինը Ֆրանսիայի նախագահ Էմանուել Մակրոնի հետ բանակցություններից հետո։
Ըստ ՌԴ նախագահի՝ պարոն Պորոշենկոյի «որպես պետական հանցագործի» հետապնդումը «չափազանց մեծ հայտ է ներկայիս ղեկավարության հաջողության համար»։ «Մենք պատրաստ ենք Ռուսաստանում ապաստան տրամադրել պարոն Պորոշենկոյի նման մարդկանց»,- հավելել է պետության ղեկավարը։
