«Հնարավոր չէ կարգավորել միջազգային իրավիճակն առանց երկխոսության Ռուսաստանի հետ»․ Մակրոն
Ֆրանսիայի նախագահ Էմանուել Մակրոնը հայտարարել է, որ հնարավոր չէ կարգավորել միջազգային իրավիճակն առանց երկխոսության Ռուսաստանի հետ, հաղորդում է ՏԱՍՍ-ը:
«Վերջին շրջանը հաստատել է, որ, եթե մենք հրաժարվենք երկխոսությունից, իսկ այդպիսին էր եվրոպացիների ընտրությունը, երբ մենք կանցլեր Մերկելի հետ առաջարկում էինք անցկացնել ԵՄ-Ռուսաստան գագաթնաժողովը, ապա անհնար է կարգավորել որեւէ հակամարտություն»,-ասել է Մակրոնը le Journal du Dimanche փարիզյան շաբաթաթերթին տված հարցազրույցում:
«Չ՞է որ այդ դեպքում մենք թույլ ենք տալիս ուրիշներին խոսել մեր անունից եւ չենք կարող այլեւս աջակցել մեր կոլեկտիվ անվտանգությանը»,-նշել է նա:
Մեկնաբանելով Ուկրաինայի շուրջ իրավիճակը՝ նա ընդգծել է, որ այժմ անհրաժեշտ է նվազեցնել լարվածությունը երկխոսության ճանապարհով զինված հակամարտությունից խուսափելու համար:
