Արևմուտքը պատրաստ է ամեն ինչի․ Զախարովա

Ռուսաստանը բազմիցս տեսել է, թե ինչպես են արևմուտքցիները փչացնում Օլիմպիական խաղերը։ Ամերիկյան Bloomberg գործակալության և գերմանական Bild թերթի հրապարակումներն Ուկրաինայի վերաբերյալ արտացոլում են, որ Արևմուտքը պատրաստ է ամեն ինչի։ Այս մասին շաբաթ օրը հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Բլումբերգն այսօր գրել է «Ռուսաստանի Ուկրաինա ներխուժման մասին»: Նույն ամերիկյան Bloomberg գործակալությունը, որը երկու շաբաթ առաջ հրապարակել էր «Ուկրաինա ներխուժելու վերաբերյալ ռուս-չինական համաձայնագրերի» մասին ֆեյք տեղեկատվություն, իսկ գերմանական Bild-ը հրապարակել է հոդված, որը բացահայտում է «Ուկրաինայի բռնագրավման» մանրամասն սխեման, որը, ըստ լրագրողների, «հայտնվել է անանուն հատուկ ծառայության ձեռքում», - գրել է դիվանագետը իր թելեգրամյան ալիքում: 

Հիշեցնենք՝ ավելի վաղ Bloomberg-ը հրապարակել էր «Ռուսաստանը ներխուժել է Ուկրաինա» վերնագրով նյութ, ապա ընդունել սխալն ու հեռացրել հրապարակումը։