ՄԱԿ-ը դեէսկալացիայի կոչ է անում Եվրոպա ամերիկյան բանակի տեղակայման ֆոնին
ՄԱԿ-ի գլխավոր քարտուղար Անտոնիո Գուտերեշը ամերիկյան զորքերի՝ Եվրոպա տեղափոխման մասին լուրերի ֆոնին կոչ է արել դեէսկալացնել և դիվանագիտական ճանապարհով լուծել տարաձայնությունները: Այս մասին գրում է RT-ն:
«Մեր մեկնաբանությունը նույնն է. ՄԱԿ-ի գլխավոր քարտուղարը կոչ է անում բոլոր կողմերին լուծել տարաձայնությունները երկխոսության միջոցով և դեէսկալացիայի կոչ է անում», - РИА Новости-ն մեջբերում է ՄԱԿ-ի գլխավոր քարտուղարի տեղակալ Ֆարհան Հակի խոսքերը:
Ավելի վաղ Պենտագոնը հայտարարել էր, որ ԱՄՆ-ը լրացուցիչ ուժեր է ուղարկում Ռումինիա, Լեհաստան և Գերմանիա։ Ռազմական գերատեսչությունն ընդգծել է, որ լրացուցիչ ուժերի տեղակայումն Արևելյան Եվրոպայում ժամանակավոր է, և այդ միջոցառումը նախատեսված է «դաշնակիցների պաշտպանությունն ուժեղացնելու համար»։
