ԱՄՆ-ի՝ անվտանգության երաշխիքների մասին արտահոսած պատասխաններն իրական են. Պետդեպ

ԱՄՆ Պետքարտուղարությունը հաստատել է իսպանական El País թերթում հրապարակված փաստաթղթերի իսկությունը: Այս մասին հայտնում է РИА Новости-ն:

Համապատասխան հայտարարությամբ է հանդես եկել գերատեսչության պաշտոնական ներկայացուցիչ Նեդ Փրայսը, փոխանցում է «ՌԻԱ Նովոստին»։

«Այս փաստաթղթերում ես չտեսա  ոչինչ, որը հիմք կտար ենթադրելու, թե դրանք իրական չեն», - ասել է նա ճեպազրույցի ժամանակ։

Ավելի վաղ ԱՄՆ-ը և ՆԱՏՕ-ն հրաժարվել էին մեկնաբանել El País թերթի՝ Եվրոպայում անվտանգության երաշխիքների ռուսական առաջարկների պատասխանների վերաբերյալ հրապարակմանը։ Սակայն ավելի ուշ Պենտագոնն անուղղակիորեն հաստատել էր փաստաթղթի իսկությունը՝ ցույց տալով, որ լրատվամիջոցների արտահոսքը ամերիկյան կողմի մեղքով չէ։

Փետրվարի 2-ին El Pais-ը հրապարակել է անվտանգության երաշխիքների վերաբերյալ ռուսական առաջարկներին ամերիկյան կողմի պատասխանների բովանդակությունը։ Ըստ տեքստի՝ իրենց պատասխանում ԱՄՆ-ն և ՆԱՏՕ-ն առաջարկում են վերականգնել հարաբերությունները և 2021 թվականին փակված դեսպանատների աշխատանքը, բայց միևնույն ժամանակ սպառնում են ավելի շատ զորքեր տեղակայել Արևելյան Եվրոպայում «Կիևի դեմ Մոսկվայի ագրեսիայի դեպքում»: