«Նոյեմբերի 9-ից հետո ՀՀ-ն անկախ մնաց 2 տարի ժողովրդավար լինելու շնորհիվ». Ալեն Սիմոնյան
Հարցազրույցի ժամանակ հաղորդավար Պետրոս Ղազարյանը ՀՀ նախագահի ժամանակավոր պաշտոնակատար Ալեն Սիմոնյանին հիշեցրեց՝ նախկին նախագահը ձեզ մեղադրեց ժողովրդավարությունը թաղելու, կոռուպցիան ծաղկեցնելու, ժողովրդին սև-սպիտակի բաժանելու, Ազգային ժողովում հայհոյանքները սովորական դարձնելու համար: «Ժողովրդավարությունն այն արժեքն է, որը փրկեց Հայաստանի Հանրապետության պետականությունը և շատ մեծ դեր է խաղում ՀՀ անվտանգության իմաստով: Նոյեմբերի 9-ից հետո տեղի ունեցած իրադարձությունները նաև կարմիր գիծը հատելով, բայց պետականության սպառնալիքի տակ չդրեցին դրանից առաջ 2 տարի ժողովրդավար լինելու պատճառով: Պատերազմի ընթացքում գեթ մեկ րոպե համացանցը չի անջատվել: Մենք պադյեզդներում մարդ չէինք ծեծում, մարդկանց բանտերը չէինք նետում տոնածառ դնելու համար: Էդ ամեն ինչը մեզ թույլ տվեց պահպանել ՀՀ-ն՝ որպես անկախ միավոր: Ես հպարտ եմ, որ այսօր ունենք այն ժողովրդավարության մակարդակը, որը գնահատվում է ԵԽԽՎ-ում»: |
