«Մենք կոչ ենք անում Միացյալ Նահանգներին հրաժարվել սադրիչ գործողություններից». Պեսկով
ՌԴ իշխանությունները ծրագիր են մշակել՝ նվազեցնելու հետևանքները որոշ դոլարային գործարքների իրականացման համար ռուսական բանկերի դեմ ԱՄՆ-ի կողմից արգելքի սահմանման դեպքում: ՏԱՍՍ գործակալության փոխանցմամբ՝ այս մասին հայտարարել է ՌԴ նախագահի մամուլի քարտուղար Դմիտրի Պեսկովը:
«Ծրագրեր կան, ծրագրեր՝ նմանօրինակ անկանխատեսելի գործողությունների հետևանքների նվազեցման և ռիսկերի չեզոքացման համար»,- ասել է Պեսկովը՝ պատասխանելով լրագրողի համապատասխան հարցին:
«Եվ մեկ անգամ կրկնում եմ. մենք հետևողականորեն կոչ ենք անում Միացյալ Նահանգներին հրաժարվել սադրիչ գործողություններից և հրաժարվել եվրոպական մայրցամաքում լարվածության սրումից», - ընդգծել է Պեսկովը:
Հիշեցնենք` հունվարի 29-ին Bloomberg գործակալությունը, հղում անելով իր աղբյուրներին, հայտնել էր, որ ԱՄՆ-ն և ԵՄ-ն մոտ են հակառուսական պատժամիջոցների մշակմանը, որոնք ուղղված լինի բանկային հատվածի դեմ: Պատժամիջոցները նախատեսվում է սահմանել, եթե ՌԴ-ն ներխուժի Ուկրաինա:
Նմանատիպ հոդվածներ
Ավելին Քաղաքականություն բաժնից
Մերցը հրապարակավ դժգոհություն է հայտնել․ ԱՄՆ-ն և Իսրայելը ձախողել են
Գագիկ Ծառուկյանը հանդես է եկել հայտարարությամբ
6 հայկական կուսակցություններ համատեղ նամակով դիմել են ԵՄ ղեկավարությանը
