Վաշինգտոնն ամերիկացի պետծառայողների ընտանիքներին հրամայել է լքել Բելառուսը

ԱՄՆ պետդեպարտամենտը խորհուրդ է տվել պետծառայողների ընտանիքների անդամներին լքել Բելառուսը՝ Ուկրաինայի շուրջ լարվածության հնարավոր սրացման պատճառով։ Նման հայտարարություն է հրապարակվել Պետդեպի կայքում։

ԱՄՆ-ը նաև խորհուրդ է տվել իր քաղաքացիներին հրաժարվել Բելառուս ուղևորություններից՝ «օրենքների կամայական կիրառման, ձերբակալման սպառնալիքի, ինչպես նաև անհանգստություն առաջացնող՝ բելառուսա-ուկրաինական սահմանի երկայնքով Ռուսաստանի ռազմական ուժի ընդլայնման պատճառով»։

Նշվում է, որ Բելառուսում գտնվող ԱՄՆ քաղաքացիները կամ այնտեղ գնալ ցանկացողները պետք է նկատի ունենան, որ իրավիճակը տարածաշրջանում անկանխատեսելի է։