ԱՄՆ-ն և ԵՄ-ը գազամատակարարման այլընտրանքային ուղիներ են փնտրում Ուկրաինայում էսկալացիայի ֆոնին. Պենտագոն

Միացյալ Նահանգների պաշտպանության նախարարությունն աշխատում է աշխարհի երկրների հետ՝ Եվրոպային բնական գազ մատակարարելու տարբերակները քննարկելու հարցում: Այս մասին ասել է Պենտագոնի խոսնակ Ջոն Քիրբին, գրում է Говорит Москва-ն։
 

Նրա խոսքով՝ Վաշինգտոնը ենթադրում է, որ Մոսկվան կարող է որպես զենք օգտագործել իր էներգետիկ ռեսուրսները Ուկրաինայի դեմ հակամարտությունում։
 

Կիևը և արևմտյան երկրները վերջերս հայտարարում են Ռուսաստանի կողմից իբր ծրագրված հարձակման մասին, Մոսկվան հերքում է այդ մեղադրանքները։ Ռուսաստանի արտգործնախարար Սերգեյ Լավրովն ընդգծել է, որ Ռուսաստանը որևէ պատրվակ չի ստեղծում Ուկրաինայի դեմ հակամարտության համար։ Կրեմլը նշել է, որ Ռուսաստանը միշտ անթերի կատարել է գազի մատակարարման իր պայմանագրային պարտավորությունները և որևէ հիմք չի տվել կասկածելու դրա հուսալիությանը։