Պատրուշեւը «լիարժեք անհեթեթություն» է անվանել պնդումները, որը ՌԴ-ն սպառնացել է Ուկրաինային

Ռուսաստանը չի ցանկանում պատերազմ եւ չի սպառնում Ուկրաինային, հակառակի մասին ԱՄՆ-ի իշխանությունների բոլոր պնդումները լիարժեք անհեթեթություն է: Այդ մասին լրագրողներին հայտարարել է ՌԴ Անվտանգության խորհրդի քարտուղար Նիկոլայ Պատրուշեւը, հաղորդում է ՏԱՍՍ-ը: 

«Ներկայում ասում են, որ Ռուսաստանը սպառնում է Ուկրաինային: Լիարժեք անհեթեթություն: Որեւէ սպառնալիք չկա»,-ասել է Պատրուշեւը՝ նշելով, որ հենց ուկրաինացիներն, այդ թվում՝ պաշտոնական անձինք են հայտարարում սպառնալիքի բացակայության մասին: 

«Ոչ, ամերիկյան պաշտոնական անձինք պնդում են, որ սպառնալիք կա, եւ նրանք պատրաստ են կռվել մինչեւ վերջին ուկրաինացին՝ տրամադրելով զենք»,-հավելել է Անվտանգության խորհրդի քարտուղարը: Նրա խոսքով՝ ամերիկացիներին չի հուզում, թե ինչ կորուստներ կարող է կրել յուրաքանչյուր կողմը: 

«Մենք պատերազմ չենք ուզում, եւ այն մեզ բոլորովին պետք չէ, եւ նրանք, ովքեր դա պարտադրում են, հատկապես Արեւմուտքին, նրանք հետապնդում են ինչ-որ սեփական շահախնդիր նպատակներ»,-ընդգծել է Պատրուշեւը: