Հյուսիսային Կորեան չբացահայտված արկ է արձակել
Հյուսիսային Կորեան չբացահայտված արկ է արձակել Ճապոնական ծովի ուղղությամբ, հաղորդում է Ճապոնիայի առափնյա անվտանգությունը, տեղեկացնում է ՌԻԱ Նովոստի-ն:
Նշվում է, որ արկն արդեն ընկել է: Ներկայում ծովում գտնվող նավերին խորհուրդ է տրվել զգուշություն ցուցաբերել եւ չմոտենալ կասկածելի օբյեկտներին դրանք հայտնաբերելու դեպքում:
NHK հեռուստաալիքի տվյալներով՝ Ճապոնիայի վարչապետ Ֆումիո Կիսիդայի գրասենյակին կից ճգնաժամային շտաբ է ստեղծվել:
«Պատասխանատու վարչությունների ներկայացուցիչներն անցկացնում է հրատապ հանդիպում վարչապետի գրասենյակին կից ձեւավորված շտաբում տեղեկատվություն հավաքագրելու եւ հնարավոր վնասը հաստատելու նպատակով»,-հաղորդում է հեռուստաալիքը:
Հնարավոր արձակման մասին տեղեկացրել է նաեւ Ռյոնհափ գործակալությունը:
«Հարավային Կորեայի շտաբերի ղեկավարների միասնական հանձնաժողովը հայտնել է արձակման մասին»,-ասվում է գործակալության հրապարակման մեջ:
Դա Հյուսիսային Կորեայի յոթերորդ փորձարկումն է այս տարվա ընթացքում:
