Արգենտինան դատապարտել է Մեծ Բրիտանիայի ՀՕՊ համակարգի տեղադրումը
Արգենտինայի իշխանությունները դեմ են վիճելի Ֆոլկլենդյան կղզիներում Մեծ Բրիտանիայի ՀՕՊ համակարգերի տեղադրմանը: Այդ մասին հայտարարությունը շաբաթ հրապարակվել է հարավամերիկյան հանրապետության արտաքին գործերի նախարարության կողմից, հաղորդում է ՏԱՍՍ-ը:
«Արգենտինայի Հանրապետությունը կտրականապես չի ընդունում Ֆոլկլենդյան կղզիներում բրիտանական ռազմամթերքի տեղադրումը»,-ասվում է տեքստում:
Նախարարության տվյալներով՝ Մեծ Բրիտանիան կղզիներում տեղադրում է Sky Sabre ՀՕՊ համակարգերը: «Խոսքը վերաբերում է ուժի հերթական չարդարացված ցուցադրմանն ու ՄԱԿ-ի եւ այլ միզազգային կազմակերպությունների բազմաթիվ բանաձեւերում առկա կոչերից միտումնավոր խուսափմանը, որոնք կոչ են անում ինչպես Արգենտինային, այնպես էլ Մեծ Բրիտանիային վերականգնել բանակցությունները»,-հավելել է ԱԳՆ-ն:
Ֆոլկլենդյան կղզիները, որոնք գտնվում են Ատլանտյան օվկիանոսի հարավ-արեւմտյան մասում, արդեն 200 տարի է տարածքային վեճերի առարկա են Արգենտինայի եւ Մեծ Բրիտանիայի միջեւ:
