«ԱՄՆ-ն ու Ռուսաստանն ուզում են Ուկրաինայի հարցով Իրանից՝ որպես խաղաքարտ, օգտվել». իրանագետ
Իրանագետ Տիգրան Դավուդյանի գրառումը.
«Վիեննա-8Ը (2022). Իրանի միջուկային ծրագրերի բանակցություններում դադար է։ Կողմերի կարծիքով համաձայնագրի նախագիծը վերջնական տեսքի բերելու համար քաղաքական կամք է հարկավոր։ Իրանը պահանջում է ամերիկյան պատժամիջոցների չեղարկում, իսկ արևմուտքը պնդում է, որ Իրանի գերարդիական ցենտրիֆուգերը և 20-60% հարստացված ուրանը պետք է արտասահման փոխադրվի։ Ռուսաստանն առաջարկել էր դրանք Իրանի տարածքում կապարակնքել և հանձնել ՄԱԳԱՏԷ-ի հսկողության։ Կատարի Էմիրության էմիրը ևս Վաշինգթոնի ճանապարհին է և փորձում է իրանցի և ամերիկացի բանտարկյաների փոխանակման հարցով օգտակար լինել։ Իրանի նախկին նախագահ Ահմադի Նեժադը ևս Թեհրանի մի խումբ ուսուցիչների հետ հանդիպման ժամանակ հայտարարել է, որ ԱՄՆ-ն ու Ռուսաստանն ուզում են Ուկրաինայի հարցով Իրանից որպես խաղաքարտ օգտվել»:
