«Հեչ եղե՞լ ա, որ թաղումի ժամանակ խնդաք, իմ հետ եղել ա»․ Ավանի փոխթաղապետ
Համացանցը երեկվանից քննարկում, քննադատում է ՔՊ-ական պատգամավոր Լուսինե Բադալյանին՝ Եռաբլուր պանթեոնում խինդ ու ծիծաղի, խանդավառ տրամադրությունների համար։ Այդ ընթացքում Ավանի փոխթաղապետ Ներսես Պողոսյանը, որը մշտապես տարատեսակ սկանդալների կենտրոնում է փորձել է արդարացնել Լբւլուի այդ պահվածքը՝ դա ներկայացնելով որպես սովորական, մարդկային մի բան․ «Հեչ ում հետա եղել,որ թաղումի կամ հոգեհանգստի ժամանակ խնդա,մենակ ճիշտը։Իմ հետ եղելա»,- գրել է Ավանի փոխթաղապետը, ապա գրառման մեկնաբանություններում շարունակել է արդարացնել Լուսինե Բադալյանին՝ գրելով․ « Լավ էլի բռատ,դու հեչ խնդացած չկաս։Ուղղակի աղջիկ ա, ինչ գիտես, ինչ ա եղալ, որ մենակ ինքը խնդաց։Կարա մի բան տեսած լինի...»,- գրել է Ներսես Պողոսյանը՝ օգտատերերից մեկի այն այն դիտարկմանն ի պատասխան, որ եթե այդպիսի վարքագիծ ցուցաբերեին նախկինները, ապա իրենք կսկսեին հայհոյել։
