Ճապոնիայի հարավարևմտյան ափին գրանցվել է 6,3 մագնիտուդով երկրաշարժ։ Այս մասին հայտնում է ԱՄՆ երկրաբանական ծառայությունը։

Տարերային աղետի էպիկենտրնը գտնվել է Օյտա պրեֆեկտուրայում՝ 73 հազար բնակիչ ունեցող Սաիկի քաղաքից 24 կմ հեռու։ Ստորգետնյա ցնցումների օջախը գտնվել է մոտ 42 կմ խորության վրա։

Kyodo News-ի փոխանցմամբ՝ երկրաշարժի հետևանքով տուժել է 4 մարդ։ Ցնցումները զգացվել են նաև Ճապոնիայի արևմուտքում և կենտրոնական մասում։ Ցունամիի սպառնալիքի կամ ավերածությունների մասին տեղեկություններ չեն ստացվել։