ՏԵՍԱՆՅՈՒԹ․ ՊՆ փոխնախարարը հաստատեց՝ Վաղարշակ Հարությունյանը ստորագրել է Սյունիքում ԶՈՒ հետ քաշվելու մասին փաստաթուղթ

ՊՆ փոխնախարար Արման Սարգսյանը հաստատեց՝ Վաղարշակ Հարությունյանը փաստաթուղթ է ստորագրել և այս մասով Գեղամ Մանուկյանի հայտարարությունները համապատասխանում են իրականությանը։ 

Հիշեցնենք, որ Գեղամ Մանուկյանը նշել էր․ «Մի քանի շաբաթ առաջ, բազմաթիվ հարցումներով պարզ դարձավ, որ իշխանությունների մեկ տարվա պնդմանը հակառակ՝ Սյունիքում ՀՀ ԶՈՒ-ն հետ է քաշվել, Գորիս-Կապան ավտոճանապարհի 21 կմ ճանապարհը թշնամուն է հանձնվել ոչ թե ինչ-որ բանավոր պայմանավորվածությունների, ինչ-որ հանգամանքների պարտադրանքով, այլ ուղղակի, դավադիր հուշագրի հիման վրա:
 

Իմ այդ հայտարարությունից հետո, Գագիկ Մելքոնյանն ասել էր, թե ռուսներից կամ ադբեջանցիներից եմ այդ տեղեկությունը ստացել: Պարոն Սարգսյան, խնդրում եմ՝ Գագիկ Մելքոնյանին պատմեք, որ այդ փաստաթուղթը ՊՆ դրված է, Վաղարշակ Հարությունյանը լավ էլ ստորագրել է, լավ էլ մեկ տարի գաղտնի է պահել այս ժողովրդից, մի տարի ասել են՝ բանավոր է, բայց պարզվում է՝ լավ էլ գրավոր է»,- շեշտեց Մանուկյանը և դուրս եկավ նիստից: