Թուրք քաղաքապետը 2000 հոգու դատի է տվել իր հասցեին գրառումներ անելու համար
Թուրքիայի Բոլու քաղաքի ղեկավար Թանջու Օզջանը դատի է տվել 2000 օգտատիրոջ` նրանց մեղադրելով իր հասցեին վիրավորական գրառումներ կատարելու համար։ Քաղաքապետի փաստաբանը սկսել է սոցիալական հարթակներում քաղաքապետի հասցեին վիրավորական գրառումներ փնտրել։ Հայտնաբերվել են շուրջ 2000 օգտատերեր, որոնք վիրավորական գրառումներ են կատարել:
Օզջանը, որը ներկայացնում է Ժողովրդահանրապետական կուսակցությունը (CHP), առաջարկել էր ավելի բարձր կոմունալ վճարներ սահմանել միգրանտների համար, ինչի կապակցությամբ նրան մեղադրել էին ռասիստական մոտեցումների և խտրականության մեջ: Նա նաև կոչ էր արել ամուսնության գրանցման համար տուրքը 10 անգամ բարձրացնել օտարերկրացիների համար։
