Հայ-թուրքական կոնֆլիկտը Կովկասում մոտենում է իր ավարտին․ Էրդողանի խոսնակ

Հայաստանը Թուրքիայի հետ հարաբերությունների նորմալացումից կստանա տնտեսական եւ քաղաքական օգուտներ։ Այս մասին հայտարարել է Թուրքիայի նախագահի խոսնակ Իբրահիմ Ղալընը։ «Հարավային Կովկասում այժմ բացարձակապես այլ գործընթաց է եւ այն հիմքը, որի վրա այդ սփյուռքը կառուցել է իր ողջ էներգիան ու փաստարկները, կործանման եզրին են։ Այլ խոսքերով ասած՝ Հայաստանի եւ Թուրքիայի կամ հայ-թուրքական կոնֆլիկտը Կովկասում մոտենում է իր ավարտին։ Ղարաբաղի ազատագրմամբ, եւ Ադրբեջանին վերաինտեգրացիայով բացվեց պատմության նոր էջ»,- ասել է Ղալընը։

Այս առումով, ըստ Թուրքիայի նախագահի խոսնակի, ոչ մեկն այլ ակնկալիք չունի, եւ Անկարան ու Երեւանը քայլեր են ձեռնարկում հարաբերությունների նորմալացման համար։ Նա շեշտել է, որ դեպի ծով ելք չունեցող եւ ռուսական հովանավորության տակ գտնվող թույլ տնտեսություն ունեցող Հայաստանի համար հայ-թուրքական հարաբերությունների նորմալացումը տնտեսական եւ քաղաքական նոր հնարավորություններ կտա։