Ադրբեջանում Իրանի դեսպանատունը ահա այսպիսի քարտեզ է հրապարակել
«Ադրբեջանում Իրանի դեսպանատան Twitter-յան պաշտոնական էջը ահա այսպիսի քարտեզ է հրապարակել և գրառում կատրել…
«ECO միջանցքի (Պակիստան, #Իրան, Թուրքիա) վերածնունդից և Հյուսիս-Հարավ գլոբալ միջանցքի (Ֆինլանդիա, Ռուսաստան, Ադրբեջան, #Իրան, Պարսից ծոց և Հնդկաստան) փորձնական մեկնարկից հետո այս շաբաթ նկատվեց նոր միջանցքի ակտիվացում։ (#Իրան, Ադրբեջան, Վրաստան, Սև ծով և Եվրոպա)»»,- գրում է Ադրբեջան Պոստֆակտում տելեգրամ ալիքը։
Ըստ ալիքի՝ սա Հայաստանի համար դիվանագիտական պարտություն է։
Հիշեցնենք, որ ավելի վաղ Իրանի դեսպան Սեյեդ Աբբաս Մուսավին թվիթերյան իր էջում գրել էր․ «Այս շաբաթ ակտիվացվելու է Իրան-Ադրբեջան-Վրաստան-Սև ծով-Եվրոպա նոր միջանցքը: Միջանցքը կսկսի գործել Հյուսիս-Հարավ միջանցքի (Ֆինլանդիա, Ռուսաստան, Ադրբեջան, Իրան, Պարսից ծոց և Հնդկաստան) փորձնական շահագործման անցնելուց հետո:
Ավելի վաղ հայտնի էր դարձել, որ Իրանը, Ադրբեջանն ու Վրաստանը պայմանավորվել են Պարսից ծոցը Սև ծովի հետ կապող տարանցիկ երթուղու ստեղծման մասին»:
