Օմիկրոն շտամի իրական վտանգը մեկ ամիս անց պարզ կլինի
Իրական վտանգը, որը կարող է ներկայացնել նոր օմիկրոն շտամը, հասկանալի կլինի միայն մեկ ամիս անց։ Այս մասին հայտնում է Independent-ը՝ հղում անելով բրիտանացի գիտնականներին։
Բրիտանական գիտական խմբի փորձագետները կարծում են, որ մեկ ամիս կպահանջվի՝ պարզելու օմիկրոն շտամի վտանգները։ Գիտնականների խոսքով՝ եթե մեկ ամսից օմիկրոն շտամի պատճառով հոսպիտալացման կտրուկ աճ չլինի, ապա կարելի է մի փոքր «հանգստանալ»։
Միևնույն ժամանակ, իրավիճակի կտրուկ վատացման դեպքում, շտամի վտանգավորության աստիճանը հասկանալի կլինի արդեն մի քանի շաբաթվա ընթացքում։
Նշենք, որ կորոնավիրուսի նոր՝ «օմիկրոն» շտամը հայտնաբերվել է Հարավային Աֆրիկայում և ԱՀԿ-ի կողմից որակվել որպես անհանգստություն առաջացնող տեսակ։
