Իրանը հարվածել է ամերիկյան բազաներին, ԱՄՆ-ն պատասխանել է

Իրանը բալիստիկ հրթիռներով հարվածներ է հասցրել Քուվեյթում, Հորդանանում և Բահրեյնում տեղակայված ամերիկյան ռազմաբազաներին, իսկ լիբանանյան Հեզբոլլահ կազմակերպությունը միաժամանակ սկսել է հրետակոծել Իսրայելը։

Ի պատասխան՝ ԱՄՆ-ը Իրանի ուղղությամբ արձակել է 29 «Tomahawk» թևավոր հրթիռ։ Իսրայելը դեռևս չի մասնակցում հարվածներին, սակայն արդեն հայտարարել է, որ հզոր պատասխան հարված կհասցնի Բեյրութին։

Ավելի վաղ Իրանի Իսլամական հեղափոխության պահապանների կորպուսը (ԻՀՊԿ) հայտարարել էր, որ հարված է հասցրել ԱՄՆ ռազմածովային ուժերի 5-րդ օպերատիվ նավատորմի բազային, որը գտնվում է Բահրեյնում։

ԻՀՊԿ-ն նաև հայտարարել էր, որ հրթիռներով հարձակվել է Մուվաֆֆակ Ալ-Սալթի ավիաբազայի վրա, որտեղ տեղակայված են ամերիկյան կործանիչներ։