Դավիթ Տոնոյանի գործը մոտենում է ավարտական փուլին. «Ժողովուրդ»

«Ժողովուրդ» օրաթերթի տեղեկացմամբ՝ Դավիթ Տոնոյանի և ՊՆ մի շարք նախկին պաշտոնյաների գործով նախատեսված է ևս երկու դատական նիստ, որից հետո դատավոր Վահե Դոլմազյանը կհեռանա խորհրդակցական սենյակ՝ դատավճիռ կայացնելու համար։ Շուրջ հինգ տարի առաջ հարուցված քրեական գործը Հակակոռուդցիոն դատարանում մոտեցել է ավարտական փուլին։

ԱԱԾ քննչական դեպարտամենտում հարուցվել էր քրեական գործ՝ ռազմամթերքի ձեռքբերման գործընթացում ենթադրյալ չարաշահումների վերաբերյալ։ Մեղադրանք է առաջադրվել յոթ անձի, այդ թվում՝ Դավիթ Տոնոյանին, Արտակ Դավթյանին և Ստեփան Գալստյանին։ Բոլոր մեղադրյալները ներկայումս ազատության մեջ են, գործը քննվում է դռնփակ կարգով։