ԱՄՆ հարվածներից հետո Իրանը փակել է Հորմուզի նեղուցը

ԱՄՆ-ի նոր հարվածների ֆոնին իրանական զինվորականները հայտարարել են, որ Հորմուզի նեղուց-ը փակվում է բոլոր տեսակի նավերի համար։ Այս մասին հաղորդում է Press TV-ն։

Իրանի զինված ուժերի կենտրոնական «Խաթամ ալ-Անբիա» շտաբին հղում անելով՝ հեռուստաալիքը հայտնում է, որ «Հորմուզի նեղուցն ամբողջությամբ փակ է բոլոր տեսակի նավերի, ներառյալ առևտրային նավերի համար»։

Շտաբի հայտարարության համաձայն՝ անվտանգության նկատառումներից ելնելով նեղուցը փակ է հայտարարվում բոլոր նավերի, այդ թվում՝ նավթատար տանկերների և առևտրային նավերի համար։

Իրանական զինվորականները պարզաբանել են, որ Հորմուզի նեղուցի փակումը կապված է «ԱՄՆ-ի թշնամական գործողությունների» հետ։