Ամերիկյան Դետրոյթ քաղաքի (Միչիգան նահանգ) արվարձանում՝ Օքսֆորդի ավագ դպրոցում տեղի ունեցած հրաձգության հետևանքով մի քանի մարդ է վիրավորվել։ Այս մասին երեքշաբթի հայտնել է NBC հեռուստատեսությունը՝ վկայակոչելով տեղի ոստիկանության ներկայացուցիչներին։
 

Իրավապահների խոսքերով՝ իրենց հաջողվել է բերման ենթարկել կրակոցների ենթադրյալ հեղինակին։ Դեպքի վայրում հայտնաբերվել է ատրճանակ, որից հավանաբար կրակել են։
 

Տուժել է, նախնական տվյալներով՝ չորսից վեց մարդ։ Հնարավոր զոհերի մասին չի հաղորդվում: