ՏԵՍԱՆՅՈՒԹ. Պուտինը Փաշինյանին ու Ալիևին ձիթենու ճյուղեր է նվիրել
ՌԴ նախագահ Վլադիմիր Պուտինը ՀՀ վարչապետ Նիկոլ Փաշինյանին և Ադրբեջանի նախագահ Իլհամ Ալիևին ձիթենու ճյուղեր է նվիրել՝ որպես կարգավորման խորհրդանիշ։
«Ցանկանում եմ հաստատել, որ ունեցել ենք շատ դրական հանդիպում, դրական զրույց»,-ասել է Փաշինյանը հանդիպման արդյունքներով։ Նրա խոսքով՝ քննարկվել են օրակարգի փաստացի բոլոր հարցերը։
Պուտինը Սոչիում կայացած եռակողմ հանդիպումը որակել է կառուցողական, նշել, որ կողմերը բարձր են գնահատել ռուս խաղաղապահների և սահմանապահների աշխատանքը։
Ալիևն իր հերթին նշել է, որ կողմերն ունեցել են հանգամանալից, անկեղծ զրույց, պլանների բաց քննարկում։
