Ընդունեք, որ ընդդիմության մանդատները ձեր մանդատներն են․ Արծվիկ Մինասյանը՝ բողոքի ակցայի մասնակիցներին

ԱԺ ընդդիմադիր խմբակցության պատգամավորները հանդիպեցին ԱԺ-ի դիմաց հավաքված ազատագրական շարժման մասնակիցների հետ։

Շարժման ներկայացուցիչները պատգամավորներին ներկայացրեցին իրենց պահանջը, այն է՝ բացահայտել Նիկոլ Փաշինյանի հայտարարած փաստաթղթի բովանդակությունը։

ԱԺ «Հայաստան» խմբակցության քարտուղար Արծվիկ Մինասյանը, դիմելով մասնակիցներին, ասաց. «Ընդունեք, որ ընդդիմության մանդատները ձեր մանդատներն են։ Նոյեմբերի 25-ին լսումներ է հրավիրված, որի օրակարգում այս հարցն է։

Ավելին մեր ընդդիմադիր խմբակցությունների բոլոր հնարավորություններով պահանջելու ենք, որ թե՛ ձեր նշած փաստաթուղթը, թե՛ բոլոր մանրամասնությունները քննարկման առարկա դառնան։ Միանշանակ ճիշտ եք, չի կարող հայ ժողովրդի թիկունքում ստորագրվի, քննարկվի կամ ապօրինի կերպով հանձնվեն Հայաստանի ինքնիշխան տարածքները։ Մենք ձեզ հետ ենք, ձեզնից մեկն ենք»,- նշեց պատգամավորը։