Կառավարությունը` Փաշինյանի և Ալիևի հնարավոր հանդիպման վերաբերյալ շրջանառվող լուրերի մասին
ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հավանական հանդիպման առնչությամբ այս պահին տեղեկություն չկա։ Sputnik Արմենիայի հետ զրույցում այս մասին ասացին ՀՀ կառավարության մամուլի ծառայությունից։
Լուրեր են շրջանառվում, որ նոյեմբերի 26-ին Սոչիում կայանալու է ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը։
«Այս պահին նման տեղեկություն չկա։ Վարչապետի բոլոր հանդիպումների մասին պատշաճ ժամկետներում տեղեկատվություն տրամադրվում է», – նշեցին կառավարության մամուլի ծառայությունից։
Հիշեցնենք, որ Նիկոլ Փաշինյանը և Իլհամ Ալիևը համաձայնել են դեկտեմբերի 15-ին Բրյուսելում հանդիպել ԵՄ Արևելյան գործընկերության գագաթնաժողովի շրջանակներում:
