Մեծ Բրիտանիայում ՀԱՄԱՍ շարժումը հայտարարվել է ամբողջովին արգելված կազմակերպություն
Մեծ Բրիտանիայի ներքին գործերի նախարար Պրիտի Պատելը պաղեստինյան ՀԱՄԱՍ շարժումը հայտարարել է երկրում ամբողջովին արգելված կազմակերպություն։
«ՀԱՄԱՍ»-ը ահաբեկչական զգալի ներուժ ունի, ներառյալ լայնածավալ և ժամանակակից սպառազինությունների և ահաբեկիչների պատրաստման օբյեկտների հասանելիությունը», - ասվում է Պատելի հայտարարության մեջ:
Իրանի արտգործանախարար Հուսեյն Ամիր Աբդոլլահիանն այս առնչությամբ արդեն հանդես է եկել հայտարարությամբ. «Մենք դատապարտում ենք ՀԱՄԱՍ-ի ժողովրդական դիմադրության շարժումը ահաբեկչական կազմակերպություն հայտարարելու Մեծ Բրիտանիայի որոշումը։ Պաղեստինցիների իրավունքները չեն կարող ոտնահարվել փաստերի խեղաթյուրման միջոցով: Պաղեստինի համար միակ քաղաքական լուծումը բոլոր բնիկ բնակիչների շրջանում հանրաքվեի անցկացումն է»,- նշվում է նախարարի թվիթերյան գրառման մեջ:
