Ադրբեջանի ՊՆ–ն բանակից հեռացրել է նոյեմբերի 16–ին հայ–ադրբեջանական սահմանին ռազմական գործողության վերաբերյալ ոչ պաշտոնական լուսանկարներ ու տեսանյութեր տարածող զինծառայողներին
Ադրբեջանի պաշտպանության նախարար Զաքիր Հասանովն այսօր ԶՈւ ղեկավար կազմի մասնակցությամբ ծառայողական խորհրդակցություն է անցկացրել, որի ընթացքում վերլուծել են Հայաստանի Հանրապետության և Արցախի սահմանին տիրող իրավիճակն ու վերջին բախումները:
Ադրբեջանի պաշտպանության նախարարությունը մտահոգություն է հայտնել, որ նոյեմբերի 16–ին հայ–ադրբեջանական սահմանին տեղի ունեցած ռազմական գործողության վերաբերյալ ոչ պաշտոնական լուսանկարներ ու տեսանյութեր են տարածվել սոցցանցերում։
Ըստ գերատեսչության հաղորդագրության` ՊՆ հրամանատարությունը բացահայտել և բանակից հեռացրել է գաղտնիք պարունակող տեղեկություններ տարածած կամ դրանց հետ առնչություն ունեցող զինծառայողներին:
Գործով հավաքված նյութերն ուղարկվել են իրավապահ մարմիններին:
