ԵԱՏՄ անդամ երկրների գործադիր ղեկավարները Երևանում կմասնակցեն երկօրյա նիստի
Հայ-ադրբեջանական սահմանին լարվածության ֆոնին այսօր Երևանում կմեկնարկի Եվրասիական միջկառավարական խորհրդի երկօրյա նիստը, օրակարգում բազմաթիվ տնտեսական հարցեր են։
Նիստին կմասնակցեն ԵԱՏՄ անդամ երկրների՝ Հայաստանի, Ռուսաստանի, Ղազախստանի, Բելառուսի, Ղրղըզստանի գործադիրների ղեկավարները։ Նրանց նեղ կազմով հանդիպումը այսօր ժամը 16-ին է նախատեսված, վաղը նիստը ընդլայնված կազմով կշարունակվի։
Պաշտոնական հաղորդագրության համաձայն, կողմերը կքննարկեն նախորդ տարվա առևտրային ցուցանիշները, օրակարգում ներառված են գյուղատնտեսությանը, բեռնափոխադրումներին, դեղամիջոցներին վերաբերող հարցեր։
Կողմները պլանավորում են նաև ԵԱՏՄ շրջանակում վարկային պատմությունների վերաբերյալ տեղեկատվության փոխանակման կարգի մասին համաձայնագիր ստորագրել։
