Նոյեմբերի 16-ի կատարվածի համար պաշտոնական Բաքուն մեղադրում է Երևանին․ Յաշար Ալիև

Բաքուն համոզված է, որ Երևանի հետ հարաբերությունների կարգավորումն այլընտրանք չունի, և պատրաստ է խաղաղության պայմանագիր կնքել։ Այդ մասին երեկ հայտարարել է ՄԱԿ-ում Ադրբեջանի մշտական ներկայացուցիչ Յաշար Ալիևը։ Հաղորդում է TACC-ը։ 

«Ադրբեջանը համոզված է, որ երկու երկրների միջև հարաբերությունների կարգավորումը՝ հիմնված փոխադարձ ճանաչման, ինքնիշխանության, միջազգայնորեն ճանաչված սահմաններում միմյանց տարածքային ամբողջականության հարգման վրա, այլընտրանք չունի», - հայտարարել է Ալիևը։ 

Դեսպանի խոսքով՝ նման կարգավորման նպատակը Ադրբեջանի և Հայաստանի հաշտեցումն ու խաղաղ գոյակցությունն է։

Դեսպանի խոսքով՝ նոյեմբերի 16-ի կատարվածի համար պաշտոնական Բաքուն մեղադրում  է Երևանին՝ հայկական զինված ուժերին մեղադրելով սադրանքի մեջ։ 

Հիշեցնենք, որ երեկ նոյեմբերի 16-ին, ժամը 13։00-ի սահմաններում, ադրբեջանական ԶՈՒ ստորաբաժանումները հերթական սադրանքն են նախաձեռնել ՀՀ արևելյան սահմանագոտու ուղղությամբ՝ գնդակոծության ենթարկելով հայկական դիրքերը։ ՀՀ ԶՈՒ ստորաբաժանումները դիմել են պատասխան գործողությունների՝ հակառակորդի առաջխաղացումը կանխելու նպատակով։