ԱՄՆ-ն Երևանին և Բաքվին ռազմական գործողությունները դադարեցնելու կոչ է արել
Վաշինգտոնն անհանգստացած է Հայաստանի ու Ադրբեջանի սահմանի հաղորդագրություններով,կողմերին կոչ է անում դադարեցնել ռազմական գործողությունները ու վերսկսել բանակցությունները, այդ թվում՝ ԵԱՀԿ-ի գծով։ Այս մասին հայտնում է ТАСС-ը՝ հղում տալով ԱՄՆ Պետքարտուղարության ներկայացուցչին:
«Մենք այսօր անհանգստացնող հաղորդագրություններ ենք ստացել Հայաստանի և Ադրբեջանի միջև ակտիվ ռազմական գործողությունների մասին։ Մենք կոչ ենք անում Հայաստանին ու Ադրբեջանին՝ անհապաղ դադարեցնել մարտական գործողություններն ու ըստ էության վերսկսել բանակցությունները, այդ թվում՝ ԵԱՀԿ Մինսկի խմբի համանախագահների հովանու ներքո՝ գտնելու բոլոր չլուծված հարցերի համապարփակ լուծումները, որոնք այսպես թե այնպես կապված են Ղարաբաղյան հակամարտության հետ»,- ասել է լրատվամիջոցի զրուցակիցը։
