
Վիետնամում սխալմամբ կորոնավիրուսի դեմ են պատվաստել 18 նորածինների

Վիետնամում 18 նորածին երեխաների սխալմամբ կորոնավիրուսի դեմ են պատվաստել: Այս մասին հայտնում է Эхо Москвы-ն:
Տարբեր վարակիչ հիվանդությունների դեմ հինգ բաղադրիչ պարունակող պատվաստանյութի փոխարեն նրանց սխալմամբ ներարկել են Pfizer-ի դեղաչափ, որը նախատեսված էր դեռահասների համար:
Նորածինները տեղափոխվել են Սուրբ Պողոս կենտրոնական հիվանդանոց, որտեղ նրանք հետազոտվել են առաջատար մանկաբույժների կողմից։ Ոչ մի կողմնակի ազդեցություն, բացառությամբ ստանդարտ, թեթևակի բարձրացած ջերմության և ներարկման վայրում այտուցի, չի հայտնաբերվել:
Երկրի առողջապահության նախարարությունը հանձնարարել է մանրամասն ուսումնասիրել դեպքի բոլոր հանգամանքները և պարզել միջադեպի մեղավորներին։