ԱՄՆ-ն տեղյակ է Ուկրաինայի հետ սահմանին ռուսական ակտիվության մասին հաղորդագրություններից. Պենտագոնի խոսնակ

ԱՄՆ-ին հայտնի են Ուկրաինայի հետ սահմանի մոտ ռուսական «անսովոր» ռազմական ակտիվության վերաբերյալ տեղեկությունները: Այս մասին   երկուշաբթի կայացած բրիֆինգի ժամանակ ասել է Պենտագոնի խոսնակ Ջոն Քիրբին:

«Մենք կշարունակենք խորհրդակցել դաշնակիցների և գործընկերների հետ այս հարցի շուրջ»,- ասել է նա,- «Ես չեմ կարող խոսել Ռուսաստանի մտադրությունների մասին, բայց մենք, իհարկե, ինչպես միշտ, ուշադիր հետևում ենք տարածաշրջանին»: