Պուտինի-Բայդենի հանդիպումը հավանական է ընթացիկ տարում․ Պեսկովը
Վլադիմիր Պուտինի և Ջո Բայդենի հանդիպումը՝ այս կամ այն ձևաչափով, միանգամայն հավանական է ընթացիկ տարում, հայտարարել է ՌԴ նախագահի մամուլի քարտուղար Դիմիտրի Պեսկովը։
«Կրկնում եմ, որ Նուլանդի հետ Ուշակովի վերջին հանդիպման ժամանակ զանազան տարբերակներ են քննարկվել, որոշակի ըմբռնումներ են հաստատվել։ Երբ դրանք հստակեցվեն ձևաչափային և ժամկետային առումով, մենք ձեզ կտեղեկացնենք»,-ասել է Պեսկովը լրագրողներին, պատասխանելով Պուտինի և Բայդենի հանդիպման հավանականության մասին հարցին։
Այն մասին, որ Նուլանդի այցի շրջանակներում մշակվում են ՌԴ և ԱՄՆ նախագահների հետագա շփումները, ավելի վաղ «Ռուսական էներգետիկ շաբաթվա» միջոցառումների շրջանակներում պատմել էր նաև Վլադիմիր Պուտինը:
