ՌԴ-ում միանգամից մի քանի վիրուսներից պաշտպանող պատվաստանյութերի փորձարկումներ են իրականացվում

Գամալեյների կենտրոնի կենտրոնի տնօրեն Ալեքսանդր Գինցբուրգն ասել է, որ իրենց մասնագետները սկսել են հատուկ պատվաստանյութերի նախակլինիկական հետազոտությունները, որոնք հետագայում կարող են պաշտպանել միանգամից մի քանի տարբեր վիրուսներից կամ մեկ վիրուսի մի քանի տարբերակներից: Այս մասին ТАСС-ին է հայտնել Գինցբուրգը: 

«Խոսքը պատվաստանյութի մասին է, որը մենք հիմա սկսել ենք փորձարկել կապիկների վրա։ Այս տեխնոլոգիայի իմաստն այն է, որ դուք կարող եք անմիջապես պաշտպանել մարդուն միանգամից տարբեր շրջանառվող վիրուսներից։ Հնարավոր է, օրինակ, նման մոտեցում , որ գրիպի և կորոնավիրուսի տարբեր հակածիններ համատեղվեն», – ասել է նա։