Ինչպե՞ս Ադրբեջանի զինված ուժերը 70 կմ եկան առաջ․ Արթուր Վանեցյան

Մինչև հունիսի 20-ը որևէ մեկի մտքով չէր անցնի, որ Հայաստանի Հանրապետության մարզերից մեկը՝ Սյունիքը, կփակի ադրբեջանական ոստիկանությունը, և 3 օր Սյունիքը կտրված կլինի Հայաստանից։ Այդ մասին 24news.am-ի տաղավարում ասաց ԱԺ «Պատիվ ունեմ» խմբակցության ղեկավար, ԱԱԾ նախկին տնօրեն Արթուր Վանեցյանը։ Վանեցյանը հարց հնչեցրեց, թե ինչպես է ստացվում, որ ադրբեջանական զորքերը հրադադարից հետո եկել են առաջ և փակել Հայաստանի Հանրապետության միջպետական ճանապարհը Սյունիքի մարզում։ «Նոյեմբերի 9-ի հայտնի հայտարարության մեջ սևը սպիտակով գրված է՝ զորքերը կանգնում են այնտեղ, որտեղ եղել են հրադադար ստորագրելու պահին։ Ես ձեզ հավաստիացնում եմ, որ այդ հատվածից ադրբեջանական զինուժը հեռու է եղել առնվազն 70 կմ»,- ասաց Վանեցյանը։