Ադրբեջանցի հովիվը Հայաստանի սահմանին պայթել է ականի վրա
Դաշքեսանի բնակիչը Հայաստանի հետ պետական սահմանին պայթել է ականի վրա, հայտնում են ադրբեջանական լրատվամիջոցները։
Միջադեպը տեղի է ունեցել Հայաստանի հետ սահմանակից Դաշքեսանի շրջանի Ալախանչալի գյուղում։
1964 թ. ծնված Թաղիև Շուքյուր Աշրաֆ օղլուն տարածքում ոչխարներ է արածացրել, երբ նրա ձին հատել է սահմանը։ Երբ տղամարդը փորձել է վերադարձնելձին, պայթել է ականի վրա։
Տղամարդը ծանր վիճակում տեղափոխվել է հիվանդանոց։
Հիշեցնենք, որ օգոստոսի 6-ին Ադրբեջանի տարածքների ականազերծման գործակալության (ANAMA) աշխատակիցը Լեռնային Ղարաբաղի Ակնայի շրջանում պայթել էր ականի վրա։ Նա տարբեր աստիճանի վնասվածքներով հոսպիտալացվել էր։
