«Փայլուն» քաղաքականություն ենք որդեգրել, Սևանն ու Երևանն են ուզում… բանակցելո՞ւ ենք․ ԱԱԾ պահեստազորի սպաների միությունը

«ԱԱԾ պահեստազորի սպաների միությունը» հանդես է եկել հայտարարությամբ՝ դատապարտելով անվտանգային ահագնացող մարտահրավերների և տարածքային կորստի նոր սպառնալիքի առկայության պայմաններում ՀՀ իշխանությունների ցուցաբերած կեցվածքը։

Հայտարարությունում ասվում է․

««Փայլուն» քաղաքականություն ենք որդեգրել՝ բանակցում ենք:

Արցախը փաստացի հանձնեցինք թշնամուն՝ բանակցում ենք:

Թուրքը վաղուց երկրի բուն տարածքում է՝ բանակցում ենք:

Քաղաքացիական անձ, թե զինվորական են առևանգում, գերեվարում՝ բանակցում ենք:

Մարդկանց ունեցվածքը, ինչքը խլում, տանում են՝ բանակցում ենք:

Փակել են Իրան-Հայասատան միջպետական ճանապարհը՝ բանակցում ենք:

Շրջափակման մեջ են հայտնվել հայկական գյուղերը՝ բանակցում ենք:

Սևանն ու Երևանն են ուզում… բանակցելո՞ւ ենք:

Ակնհայտ է, որ անվերջ զիջումներով ու անիմաստ բանակցություններով վերջնականապես կործանում ենք հայրենիքը, իրականութուն դարձնում պանթուրքիստական գաղափարը»: