Ադրբեջանցիների կողմից շրջափակված Որոտանի ղեկավարն ու տեղակալը կալանավորված են․ Ղազարյանը առաջարկում է համադրել փաստերը

Տրամաբանելու եւ փաստերը համադրելու նվազագույն կարողությունները բավարար են գործողությունների սինխրոն վիճակը հասկանալու համար: Այս մասին ֆեյսբուքյան իր էջում գրել է ՀՀ ՍԴ աշխատակազմի նախկին ղեկավար, Լեհաստանում ՀՀ նախկին դեսպան Էդգար Ղազարյանը:

«Ադրբեջանցիների կողմից շրջափակված Որոտան գյուղը բնակավայր է Գորիս խոշորացված համայնքի կազմում, որի համայնքի ղեկավարը եւ նրա մեկ տեղակալը, նախքան ադրբեջանցիների գործողությունները, կալանավորվել են Հայաստանի իրավապահ մարմինների կողմից, իսկ համայնքի ղեկավարի մյուս տեղակալը` ձերբակալվել էր եւ չի կալանավորվել միայն դատարանի որոշմամբ: Տրամաբանելու եւ փաստերը համադրելու նվազագույն կարողությունները բավարար են գործողությունների սինխրոն վիճակը հասկանալու համար»,- ասված է գրառման մեջ: