Բայդենը համաձայնել է կատարել` ԱՄՆ-ի ուժերը դուրս բերելու ծրագրերը

ԱՄՆ-ի նախագահ Ջո Բայդենը համաձայնել է Պենտագոնի հանձնարարականի հետ, որը նախատեսում է Աֆղանստանից տարհանման ռազմական գործողության ավարտը եւ ամերիկացի զինվորականների դուրսբերումը մինչեւ օգոստոսի 31-ը: Այս մասին երեքշաբթի հայտնել Է Reuters գործակալությունը՝ վկայակոչելով ամերիկյան վարչակազմի աղբյուրին: 

Նրա տվյալներով՝ համապատասխան հանձնարարականը ԱՄՆ-ի պաշտպանության նախարարությունը ներկայացրել է երկուշաբթի՝ ելնելով ամերիկացի զինվորականների անվտանգության համար մտավախություններից: Ինչպես նշել է Reuters-ի աղբյուրը, Բայդենը նաեւ Պենտագոնին խնդրել է գործողությունների ծրագիր մշակել, եթե անհրաժեշտ լինի Քաբուլում ԱՄՆ զինված ուժերին ավելի երկար ժամանակով թողնել: 

Գործակալության տեղեկատվության համաձայն՝ Վաշինգտոնը միաժամանակ հայտարարում է «Թալիբան» արմատական շարժմանը, որ մինչեւ օգոստոսի 31-ը ամերիկյան ուժերի դուրսբերումը կախված է տարհանմանն աջակցելու հարցում թալիբների համագործակցության աստիճանից: 

ԱՄՆ ԶՈՒ-ն ուղարկվել է Քաբուլի օդանավակայան՝ Աֆղանստանից ամերիկացիների եւ աֆղանցի փախստականների դուրսբերումն ապահովելու համար: Վաշինգտոնի վարչակազմի աշխատակիցները բազմիցս հայտարարել են, որ մտադիր են տեղավորվել սահմանված ժամկետում։