Պատերազմի ընթացքում իմ աշխատասենյակը չի փակվել, գիշեր-ցերեկ աշխատանք է տարվել. Վլադիմիր Վադանյան
Չի կարելի անտեսել այն աշխատանքը, որը կատարել է 7-րդ գումարման ԱԺ-ն պատերազմի ընթացքում և դրանից հետո:Իմ բոլոր գործընկերները եղել են դիվանագիտական և մյուս ճակատներում: Այս մասին խորհրդարանում ելույթի ժամանակ ասաց ՔՊ-ական պատգամավոր Վլադիմիր Վարդանյանը.
«Իմ աշխատասենյակը պատերազմի ողջ ընթացքում չի փակվել, գիշեր-ցերեկ աշխատանք է տարվել, գուցե այդ աշխատանքը տեսանելի չի եղել, կարող եք հետադարձ հայացք գցել և ասել, որ այդ աշխատանքն արդյունավետ չի եղել, բայց դրա արդյունավետությունը պայմանավորված չէր միայն խորհրդարանի աշխատանքով»,-ասաց Վարդանյանը:
Խոսելով Ադրբեջանի ռազմական հանցագործությունները դատապարտելու ուղղությամբ կատարած աշխատանքի մասին՝ պատգամավորը նշեց, որ ՄԻԵԴ են ներկայացվել մի շարք դիմումներ, Եվրոպական դատարանը Ադրբեջանի և Թուրքիայի նկատմամբ կիրառել է պատժամիջոցներ:
Պատգամավորի խոսքով՝ պատերազմի ընթացքում միջազգային հանրության արձագանքի մասին որոշ դեսպանների մոտ թյուրընկալում կար, թե Հայաստանը ագրեսոր երկիր է:
