Որևէ մեկին անունով դիմելու պատճառով ԱԺ նախագահը կարգապահական միջոց կիրառելու լիազորություն չունի». Բաբայանը՝ Ալեն Սիմոնյանին

Որևէ մեկին անունով դիմելու պատճառով ԱԺ նախագահը կարգապահական միջոց կիրառելու լիազորություն չունի». Արսեն Բաբայան

«Պատիվ ունեմ» դաշինքի անդամ Արսեն Բաբայանը ֆեյսբուքյան իր էջում գրել է․ 

«Ալեն Սիմոնյանի կողմից լիազորությունների վերազանցում No 2.
 Ալենը Սիմոնյանը հայտարարել է՝ «Կոռեկտ մնացեք՝ վարչապետին անունով դիմելու դեպքում կարգապահական տույժ կկիրառեմ»։
 Որևէ մեկին անունով դիմելու պատճառով ԱԺ նախագահը որևէ պատգամավորի նկատմամբ կարգապահական միջոց կիրառելու լիազորություն չունի»։

Հիշեցնենք, որ ԱԺ նախագահ Ալեն Սիմոնյանն այսօր հորդորեց ընդդիմադիր պատգամավորին կոռեկտ մնալ. «Վարչապետին անունով, անունը ձևափոխելով կամ որևիցե այլ կերպ դիմելու պարագայում ես կկիրառեմ կարգապահական տույժ։ Ընդհանրապես բոլորն այս դահլիճում կոռեկտ պետք է լինեն»,-ասաց Ալեն Սիմոնյանը։