Թեև Հայաստանում ահաբեկչության դեպքեր չկան, բայց չեն բացառվում հարձակումները․ Բրիտանիայի կոչը՝ իր քաղաքացիների
Մեծ Բրիտանիայի արտաքին գործերի նախարարությունը Հայաստանում գտնվող իր քաղաքացիներին 5 կմ-ից ավելի խորհուրդ է տալիս չմոտենալ հայ-ադրբեջանական սահմանի արևելյան հատվածին։ Մեծ Բրիտանիայի ԱԳՆ-ն նշում է, որ վերջին 12 ամիսների ընթացքում սահմանային բախումների շատ դեպքեր են եղել, որոնց հետևանքով մի քանի մարդ է զոհվել, կան նաև տուժածներ։
«Պետք է հատուկ զգուշություն ցուցաբերել մարտական դիրքերի, գյուղերի և M16/H26 ճանապարհի՝ Իջևան և Նոյեմբերյան քաղաքների հատվածին։ Հյուպատոսական աջակցությունն անհասանելի է Լեռնային Ղարաբաղի տարածաշրջանում», – ասված է հաղորդագրության մեջ։ Նշվել է նաև, որ թեև Հայաստանում ահաբեկչության դեպքեր չկան, բայց չի կարելի բացառել հարձակման դեպքերը:
Հիշենենք, որ տևական ժամանակ է ադրբեջանական կողմը սադրանքների է դիմում հայ-ադրբեջանական սահմանին։ Այն ինտեսնիվ բնույթ ստացավ հատկապես երեկ։ Հիշեցնենք նաև, որ հուլիսի 29-ին՝ ժամը 03:00-ի սահմաններում, հայ-ադրբեջանական սահմանի Գեղարքունիքի հատվածում, Քարվաճառի ուղղությամբ, ադրբեջանական ԶՈւ ստորաբաժանումները, խախտելով նախորդ օրը ձեռք բերված կրակի դադարեցման վերաբերյալ պայմանավորվածությունը, կրկին դիմել են սադրանքի` հրաձգային զինատեսակներից կրակ բացելով հայկական դիրքերի ուղղությամբ
