Լուկաշենկոյի օդանավն այս պահին պատրաստվում է թռչել Ռուսաստան

Ռուսաստանի ու Բելառուսի նախագահներ Վլադիմիր Պուտինն ու Ալեքսանդր Լուկաշենկոն պատրաստվում են այսօր հանդիպել Սանկտ Պետերբուրգում: Այս մասին հայտնում է ՏԱՍՍ-ը՝ հղում անելով Պուտինի խոսնակ Դմիտրի Պեսկովին, ով ասել է, որ հանդիպումը լինելու է աշխատանքային:

Ավելի վաղ կայանալիք հանդիպման մասին հայտնել էին Լուկաշենկոյի մամուլի ծառայությունից:

Կողմերը քննարկելու են հարցեր, որոնք վերաբերում են համագործակցությանն ու միջազգային խնդիրներին:

Այս պահին Լուկաշենկոյի օդանավը պատրաստվում է թռիչքի: Թե քանի ժամ է տևելու հանդիպումը, ստորագրվելու են արդյո՞ք փաստաթղթեր, թե՝ ոչ, չի հայտնվում: