Էջմիածնում այրվել է տան տանիք. ԱԻՆ

Հուլիսի 13-ին, ժամը 04:54-ին Արմավիրի մարզային ճգնաժամային կառավարման կենտրոն ահազանգ է ստացվել, որ հրդեհ է բռնկվել Էջմիածին քաղաքի Օրջոնիկիձե փողոցի տներից մեկի տանիքում։ 


Այս մասին հայտնում են ՀՀ ԱԻՆ տեղեկատվության և հասարակայնության հետ կապերի վարչությունից:  

Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և մարզային փրկարարական վարչության հրշեջ-փրկարարական ջոկատներից երկու մարտական հաշվարկ։ 

Հրդեհը մեկուսացվել է ժամը 05:19-ին, մարվել՝ 05:40-ին: Այրվել է տան տանիքի մոտ 200 քմ հատվածը: