Ավելի ու ավելի եմ համոզվում, որ Կիևին պետք չէ Դոնբասը․Վլադիմիր Պուտին

Դոնբասին ուժի և սպառնալիքների միջոցով կարգի պարտադրելու ուկրաինական իշխանությունների փորձերը, ինչպես նաև Մինսկի համաձայնագրերը չկատարելը, ավելի ու ավելի համոզիչ են դարձնում այն, որ Կիևն այս տարածաշրջանի կարիքը չունի: Այս մասին գրել է Ռուսաստանի նախագահ Վլադիմիր Պուտինը «Ռուսների ու ուկրաինացիների պատմական միասնության մասին» հոդվածում:

«Ես դրանում ավելի ու ավելի եմ համոզվում. Կիևին պարզապես Դոնբասը պետք չէ: Ինչո՞ւ, որովհետև, առաջին հերթին, այս շրջանների բնակիչները երբեք չեն ընդունի այն կարգուկանոնը, որը նրանց փորձել են և փորձում են պարտադրել ուժով, շրջափակմամբ, սպառնալիքներով»,-ասել է պետության ղեկավարը։